اسسٹنٹ کمشنر سیالکوٹ کا مختلف سکولوں کا دورہ، تعلیمی سہولیات کا جائزہ لیا

اسسٹنٹ کمشنر سیالکوٹ انعم بابر نے گورنمنٹ گرلزہائی سکول کوٹلی لوہاراں اور گورنمنٹ بوائز ہائی سکول کھروٹہ سیداں کا دورہ کیا ۔اس موقع پر انہوں نے تعلیمی اوربنیادی سہولیات کا جائزہ لیا اور اساتذہ کی حاضری چیک کی۔اسسٹنٹ کمشنر سیالکوٹ نے سائنس لیبارٹری اور کمپیوٹر لیبارٹری کا بھی مشاہدہ کیا۔ مختلف کلاس رومزکے دورہ کے دوران طلبہ سے تعلیمی و بنیادی سہولیات بارے استفسارکیا اور معیارتعلیم کے حوالے سے بھی طلبہ و طالبات سے گفتگوکی۔ اس موقع پر انہوں نے اساتذہ کو تلقین کی کہ وہ طلبہ کی تعلیم و تربیت پرخصوصی توجہ دیں، ان میں خوداعتمادی کیلئے تقاریر، تلاوت و نعت خوانی کے مقابلے کروائیں اور تعلیم کے ساتھ ساتھ انہیں مثبت نصابی و ہم نصابی سرگرمیوں کی طرف راغب کریں۔