بھاری میرازمینوں پر برسیم کی کاشت سے زیادہ پیداوارحاصل کی جاسکتی ہے، محکمہ زراعت سیالکوٹ

ترجمان محکمہ زراعت سیالکوٹ نے کہا کہ بھاری میرازمینوں پر برسیم کی کاشت سے زیادہ پیداوارحاصل کی جاسکتی ہے،جنوری میں برسیم کی بڑھوتری قدرے کم ہوجاتی ہے لیکن معتدل آب و ہوابرسیم کے لئے انتہائی موزوں ہے۔ ہفتہ کو جاری بیان میں انہوں نے کہا کہ برسیم کی اچھی پیداوار کے حصول کے لئے شرح بیج اورکھادوں کا متناسب استعمال بھی انتہائی اہمیت کا حامل ہے۔ انہوں نے کہا کہ برسیم کی کاشت کےلئے 8کلوگرام فی ایکڑ، جئی کے ساتھ مخلوط کاشت کی صورت میں برسیم کا بیج 6کلوگرام اورجئی کا بیج10کلوگرام فی ایکڑاستعمال کیاجاسکتاہے اسی طرح سرسوں کے ساتھ مخلوط کاشت کی صورت میں برسیم کا بیج8کلوگرام اور سرسوں کا بیج نصف کلوگرام رکھنے کے بھی بہترین نتائج حاصل کئے جاسکتے ہیں۔

Published by sialkotnewspaper.com

11 January 2025, 19:52 published

0dk, 0sn

0