ضلعی فوکل پرسن برائے نیوٹریشن کا بنیادی مراکز صحت کا دورہ

ضلعی فوکل پرسن برائے نیوٹریشن ڈاکٹر محمد عدنان نے بنیادی مراکز صحت آدم کے چیمہ ،ورسالکے ،بھوپال والہ اور اگوکی کا دورہ کیا۔ دورے کے دوران انہوں نے عملے کی حاضری سمیت آلات جراحی اور ادویات کا ریکارڈ چیک کیا اور عملے کوہدایت جاری کرتے ہوئے کہا کہ آنے والے مریضوں کو طبی سہولیات سے زیادہ سے زیادہ مستفیدکیا جائے اور ہیلتھ اینڈ نیوٹریشن سپر وائزرز سکول کی تعطیلات کے دوران باقاعدگی سے فیلڈ وزٹس کریں اور فیلڈ ٹیم جن میں لیڈی ہیلتھ سپروائزرز،ویکسینیٹر ، سینٹری انسپکٹر اور سی ڈی سی سپروائزرز کے کام کو نہ صرف مانیٹر کریں بلکہ کمیونٹی ہیلتھ سیشنز بھی منعقد کریں۔ بعدازاں انہوں نے صفائی ستھرائی اور بنیادی مراکز صحت میں جاری ترقیاتی کاموں کا جائزہ بھی لیا۔

Published by sialkotnewspaper.com

10 January 2025, 19:34 published

0dk, 0sn

0